«Жаңартылған Конституция — тұрақты дамудың негізі»

Бүгін Атбасар қаласындағы №8 психолого-педагогикалық коррекция кабинеті базасында «Қазақстан Республикасының өзекті конституциялық моделі: мемлекет, қоғам және құқық арасындағы өзара қатынас» тақырыбында семинар-кеңес өтті.

Семинар барысында қатысушылар Қазақстан Республикасының жаңа Конституциясының жобасының негізгі тұжырымдарын, олардың елдің саяси жүйесіне әсерін, билік тармақтары арасындағы өкілеттіктер балансын және қоғамдық бақылау механизмдерін дамыту мәселелерін жан-жақты талқылады.

Диалог барысында қатысушылар жаңа Конституцияның тұрақты әлеуметтік-экономикалық өсімді қамтамасыз ететін, азаматтардың құқықтары мен бостандықтарын қорғауға және елдегі демократиялық процестерді әрі қарай дамытуға берік институционалдық негіз құратынын атап өтті.