Аумақты абаттандыру бойынша сенбілік

Атбасар қаласындағы № 8 психологиялық-педагогикалық түзету кабинетінде «Таза Қазақстан» республикалық экологиялық акциясы аясында аумақты абаттандыру және көгалдандыру бойынша сенбілік өтті.

Іс-шараға мекеменің барлық ұжымы қатысты. Қызметкерлер бірлесіп сенбілікке шығып, мекеме аумағын ретке келтіріп, айналаны тазалап, гүлдер отырғызып, әсем гүлзарлар жасады. Бірлескен еңбектің арқасында мекеме аумағы бұрынғыдан да таза, көрікті әрі жайлы бола түсті.

Мұндай шаралар тазалықты сақтауға ғана емес, сонымен қатар ұжымды ортақ мақсатқа біріктіріп, балалар мен қала тұрғындары үшін қолайлы әрі жайлы орта қалыптастыруға ықпал етеді.

Сенбілікке қатысушылар қоршаған ортаның тазалығы мен әсемдігі ең алдымен өзімізге, еңбекке, табиғатқа және өмір сүріп, еңбек ететін ортамызға деген көзқарасымызға байланысты екенін атап өтті.

«Таза Қазақстан» акциясы қоршаған ортаға ұқыпты қарауға, тазалықты сақтауға және туған өлкені көркейтуге өз үлесін қосуға үндейді. № 8 психологиялық-педагогикалық түзету кабинеті ұжымы бұл бастаманы қолдап, аумақты көгалдандыру мен абаттандыру жұмыстарына белсенді қатысуды жалғастыруда.